اسلام آباد ۔ 21 جولائی (اے پی پی) نگران وفاقی وزیر اطلاعات و نشریات اتے قومی تریخ و ادبی ورثہ بیرسٹر سیّد علی ظفر آکھے جو ملک اچ صاف ، شفاف اتے غیر جانبدار انتخابات سانگے نگران حکومت الیکشن کمیشن کوں مکمل تعاون کریسی۔ ہک نجی ٹی وی چینل نال گالھ بات کریندے ہوئیں انہاں آکھیا جو الیکشن کمیشن کو ںآئینی تے قنونی طاقت حاصل ہے ۔ نگران وفاقی وزیر دا آکھنڑ ہا جو عوام دے تحفظ تے کہیں قسم دا کوئی سمجھوتہ کائنانںتھیسی، موجودہ نگران وفاقی حکومت الیکشن 2018ءسانگے سیکورٹی دے فول پروف انتظام کیتے ہن اتے دہشت گردی دے حالیہ واقعات دے بعد سیکورٹی کوں بیا سخت کر ڈتا گئے اتے سکیورٹی امور سانگے پاک فوج توں وی مدد منگی گی ہے۔
