اسلام آباد ۔ 17 جولائی (اے پی پی) چیئرمین سینیٹ محمد صادق سنجرانی آکھے جو میڈیا ریاست دا اہم ستون ہے جیہڑا جو نہ صرف ملکی حالات تے مسلیاں کوں سامنڑیں گھن آندے جڈانجو ملک کوں ترقی تے خوشحالی آلے پاسے ٹورنڑ اچ مدد ڈیندے ، آزادی صحافت جدید دور دی اہم لوڑ بنڑ گئے اتے پاکستان آزاد میڈیا دی پالیسی اُتے عمل کریند اپئے ، آزادی صحافت دے فروغ سانگے ہر ممکن اقدامات کیتے ویندے پن ۔ اے گالہیں انہاں لہور پریس کلب دے 27 رکنی وفد نال پارلیمنٹ ہاو ¿س اچ ملاقات دے دوران آکھیاں۔ محمد صادق سنجرانی آکھیا جو میڈیا دے ذریعے ملکی تے عالمی معاملیاں کوں چنگے طریقے سامنڑیں گھن آونڑ دے نال چنگی حکمت عملی دے ذریعے حل کیتا ونج سگدے۔ میڈیا عوام اچ بنیادی حقوق، شعور، معاشرتی رویاں اچ بہتری اتے مسائل دے حل کیتے مددڈیندے ۔ چیئرمین سینٹ آکھیا جو میڈیا کوں مضبوط بنڑاونڑ اتے آزادی صحافت دے فروغ کیتے پارلیمنٹ دا کردار قابل تحسین ہے، پارلیمان دے ڈوہائیں ایواناں دی قائمہ کمیٹیاں اچ سارے ملک دے صحافیاں کوں در پیش مسلیاں دے حل کیتے ہر ممکن اقدام کیتے ویندے ہن۔ انہاں آکھیا جو اوکھے دور اچ جمہوریت دے فروغ اتے اداریاں دی مضبوطی کیتے میڈیا جو کردار ادا کیتے او وی قابل تعریف ہے ۔
