اسلام آباد ۔ 13 جولائی (اے پی پی) نگران وزیر خزانہ ڈاکٹر شمشاد اختر آکھیے جو نگران حکومت پاکستان دا ناں ایف اے ٹی ایف دی بلیک لسٹ توں کڈھنڑ سانگے پالیسی اقدامات کیتن جیندے چنگے نتیجے آئے ہن اتے ایف اے ٹی ایف دے ممبراں کوں پاکستان دا موقف سمجھنڑ اچ مدد ملسی۔ جمعے کوں سینٹ اجلاس اچ اپوزیشن لیڈر سینیٹر شیری رحمان دے توجہ کراﺅ نوٹس دا جواب ڈیندے ہوئیں نگران وزیر خزانہ آکھیاجو 2008ءتوں 2012ءدوران وی پاکستان دا ناں ایف اے ٹی ایف دی فہرست اچ رہے۔ حال اچ عالمی سیاست دے تناظر اچ برطانیہ، فرانس، جرمنی اتے امریکاولوں پاکستان دا ناں ایف اے ٹی ایف دی بلیک لسٹ اچ شامل کیتا گئے۔ انہاں آکھیا جو پاکستان دا ناں بلیک لسٹ اچ شامل کرنڑ دیاںمختلف وجوہات ہن تاں ، موجودہ نگران حکومت انہاں مسلیں دا دا حل کڈھنڑ سانگے وڈی حکمت عملی اختیار کیتی ہے۔ ایف اے ٹی ایف دی بلیک لسٹ توں پاکستان دا ناں کھڈاونڑ سانگے 49 پالیسی اقدامات کیتے ہن جڈاں جو27 تے کم کیتا ویندا پئے۔ انہاں آکھیا جو فنانشل ایکشن ٹاسک فورس (ایف اے ٹی ایف) دے ممبراں نال مذاکرات کیتے ہن اتے مختلف اقدامات تے عمل درآمد سانگے وقت گھنڑ اچ کامیاب تھی گیوں۔
