اسلام آباد ۔ 2 جولائی (اے پی پی)نگران وزیراعظم جسٹس (ر) ناصر الملک قومی تریخ تے ادبی ورثہ ڈویژن دی کارکردگی دی تعریف کریندے ہوئیں ملک دے ثقافتی ورثے کوں عالمی سطح تے متعارف کراونڑ کیتے وفاقی تے صوبائی حکومتاں وچال وسیع تر ہم آہنگی دی لوڑ اُتے زور ڈتا اتے ہدایت ڈتی جو غیر ملکاں دے نال انہاں شعبیاں اچ تعاون کوں ودھاونڑ دے نویں رستے گولے ونجن ۔ او سنوار کوں قومی تاریخ تے ادبی ورثہ ڈویژن دیاں ذمہ داریاں تے کارکردگی بارے اچ بریفنگ اجلاس دی صدارت کریندے پئے ہن ۔ وزیر برائے قومی ورثہ و ادبی تاریخ سید علی ظفر، وزیراعظم دے سیکرٹری سہیل عامر، سیکرٹری قومی تاریخ و ادبی ورثہ انجینئر عامر حسن، ڈائریکٹر جنرل نیشنل لینگویج پروموشن ڈیپارٹمنٹ افتخار حسین عارف، منیجنگ ڈائریکٹر نیشنل بک فاﺅنڈیشن ڈاکٹر انعام الحق اتے بئے اعلیٰ حکام وی ایں موقعے تے موجود ہن ۔ سیکرٹری قومی تاریخ و ادبی ورثہ انجینئر عامر حسن وزیراعظم کو ںقومی تاریخ و ادبی ورثہ ڈویژن اتے ذیلی اداریاں دے مینڈیٹ اتے کامیابیاں بارے تفصیل نال ڈسایا۔ انہاں جنوری 2016ءاچ انج ڈویژن دے قیام دے بعد توں ایندیاں مختلف کامیابیاں بارے ڈسایا جنہاں اچ ویساکھ میلہ 2016ءتے 2017ئ، بئے ملکاں دے نال ثقافتی تعاون تے ثقافتی ورثے دا تبادلہ، قومی تے عالمی خطاطی نمائشاں تے مقابلیاں دا انعقاد، انسٹی ٹیوٹ آف کیلیگرافی دا قیام، نوروز اتے فالکنری ایونٹس دا اہتمام اتے قومی اہمیت دے ادبی مواد دی اشاعت تے ڈیجیٹائزیشن شامل ہن ۔ ایں موقعے تے انہاں وزیراعظم کو ںڈویژن دے تلویں اداریاں دی کارکردگی بارے وی بریفنگ ڈتی اتے مختلف تاریخی ورثے دے حامل مقامات کوں محفوظ کرنڑ اتے اردو ڈکشنری دے علاوہ کلیات اقبال اُتے مشتمل اینڈرائڈ اپیلیکیشن دی تیاری تے اجراء بارے اچ وی ڈسایا۔
