اسلام آباد ۔ 10 جولائی (اے پی پی) نگران وزیراعظم جسٹس (ر) ناصر الملک نال پاکستان اچ افغانستان دے سفیر ڈاکٹر حضرت عمر زخیلوال ملاقات کیتی۔ نگران وزیراعظم جسٹس (ر) ناصر الملک ڈو طرفہ تعلقات تے اطمینان کریندے ہوئیں بالخصوص افغانستان ایکشن پلان فار پیس اینڈ سولیڈیرٹی سانگے پیش رفت جاری رکھنڑ تے زور ڈتا ۔افغان سفیر ڈو طرفہ مسلیاں دے حل کیتے گالھ مہاڑ جاری رکھنڑ تے زور ڈیندے ہوئیں آکھیے جو عید الفطر تے افغانستان اچ فریقین وچال جنگ بندی دے چنگے نتیجے نکلین جیندے نال امن دی وی راہ نکلی اے، امید اے جو امن کیتے اے کوششاں اگو تے وی جاری راہسن۔ نگران وزیراعظم آکھیے جو افغان مسلے دا کوئی فوجی حل کائنی ۔ انہاں پاکستان ولوں افغانستان اچ افغاناں دی قیادت اچ امن عمل کیتے ہتھ ونڈاونڑ دا یقین ڈوایا۔
