اسلام آباد ۔ 23 جولائی (اے پی پی)نگران وزیراعظم جسٹس (ر) ناصر الملک سنوار کوں پاکستان مانومنٹ اچ تاریخی اہمیت دی حامل ڈو ونٹیج کاراں دی نمائش دا افتتاح کر ڈتاجیرھا ملک دے سربراہان مملکت تے حکومت اتے وقتاً فوقتاً دورہ کرنڑ آلی ممتاز شخصیات دے زیر استعمال رہیاں۔ رولز رائس سلور شیڈو اتے مرسڈیز پل مین ایس 600 وزیراعظم آفس ولوں پاکستان مانومنٹ میوزیم کوں تحفہ دے طور تے پیش کیتیاں گیاں تے عوام سانگے انہاں دی نمائش کیتی گی اے ۔ وزیراعظم جسٹس (ر) ناصر الملک انہاں تاریخی کاراں دی نیلامی دی بحالی اتے تحفظ دا فیصلہ کریندے ہوئیں انہاں کوں میوزیم اچ رکھنڑ دا حکم ڈتا ایندے توں پہلے انہاں کوں نیلام کرنڑ دی تجویز پیش کیتی گی ہئی ۔ عجائب گھر دے دورے دے دوران وزیراعظم امید ظاہر کیتی جو انہاں کاراں دی نمائش نال نینگراں تے آندیاں نسلاں کوں پاکستان دی تاریخ تے دورہ کرنڑ آلی بین الاقوامی شخصیات دی مہمان نوازی دی روایت بارے اچ آگاہی تھیسی۔ وزیراعظم میوزیم دا دورہ کیتا تے ونٹیج کاراں اچ دلچسپی گھدی۔ وزیراعظم انہاں کوں قومی تاریخ دا ہک اہم جزو قرار ڈتا۔ بعد ااچ ایگزیکٹو ڈائریکٹر لوک ورثہ شاہیرہ شاہد ”اے پی پی“ کو ں ڈسایا جو حکاس پرائیویٹ لمیٹڈ گراں قدر قومی ورثہ کوں تحفظ فراہم کرنڑ دے جذبے دے تحت انہاں شاندار کاراں کوں رضاکارانہ طور تے بحال کیتے ۔
