نگران وفاقی وزیر اطلاعات و نشریات اتے قنون سید علی ظفر داہیومین رائٹس سوسائٹی آف پاکستان دے زیر اہتمام منعقدہ تقریب نال خطاب

APP25-22 LAHORE: July 22 - Federal Minister for Information, Broadcasting, National History & Literary Heritage Barrister Syed Ali Zafar addressing at a discussion on ‘Opportunities and Challenges after Elections” organized by the Human Rights Society of Pakistan. APP Photo by Rana Imran

لاہور۔22جولائی(اے پی پی )نگران وفاقی وزیر اطلاعات و نشریات اتے قنون سید علی ظفر آکھے جو 25جولائی کوں ملک اچ عام انتخابات دا انعقاد یقینی بنڑ اتے نگران حکومت اپنڑیں ذمہ داری پوری کریسی، گائیڈ لائن دی حد تئیں نویں حکومت سانگے کجھ ایجھی شئیںچھوڑ تے ویسوں جیندے تے عمل کرنڑ حکومت دے اختیار اچ ہوئے، نگران حکومت پیمرا کوں آئین تے قنون مطابق آزاد کر ڈتے، میڈیا کوں اگر پیمرا نال کوئی شکایت ہے تاں عدالت نال رجوع کیتا ونج جاسگدے۔ انہاں خیالیں دااظہار انہاں ا توار کوں مقامی ہوٹل اچ ہیومین رائٹس سوسائٹی آف پاکستان دے زیر اہتمام منعقدہ تقریب نال خطاب کر یندے ہوئیں کیتے،ایں موقع تے ہیومین رائٹس سوسائٹی آف پاکستان دے چیئرمین سید آصف ظفر مہناز رفیع ڈاکٹر بابر الیگزینڈر ملک ڈاکٹر کنول خالد اتے بئے مقررین وی خطاب کیتا ۔سید علی ظفر آکھیا جو سی پیک آونڑ آلی حکومت سانگے وڈا سنہری موقع ہے ،ایں توں فائدے چا تے پاکستان کو ںچیلنجاں توں کڈھ تے ترقی دی راہ تے گامزن کیتا ونج جا سگدے۔ انہاں نےب دے کردار دے حوالے نال آکھیا جو نیب قنون اچ خامیاں موجود ہن جنہاں کوںدور کر تے اینکوں مضبوط اتے چنگا بنڑایا ونج جا سگدے ۔انہاں آکھیا جو اساں بھرپور کوشش کیتی جو الیکشن کمیشن نال اپنڑاںکردار نیوٹرل رکھوں تا ں جو عام انتخابات دے بعد کوئی وی نگران حکومت اتے الیکشن کمیشن تے گالھ نہ کرے ۔انہاں آکھیا جو الیکشن کمیشن دا انتخاب آئین تحت تھئے اتے ہنڑ الیکشن دا کوڈ آف کنڈیکٹ بناونڑ ،رزلٹ شائع کرنڑ سمیت سارے انتخابی امور الیکشن کمیشن دی ذمہ داری ہے۔ انہاں آکھیا جو 2013ءدے عام انتخابات اچ الیکشن نتائج تے 55 اعتراضات تھئے جنہاں کوں پارلیمنٹ 3سال دے عرصے اچ ٹھیک کیتے۔انہاں آکھیا جو موجودہ الیکشن کمیشن پوری دنیا اچ سبھ توں مضبوط اتے طاقتور ہے چیف الیکشن کمشنر جو ہک ریٹائرڈ جج ہن اتے انہاںدا انتخاب جمہوری طریقے نال کیتاگیا ۔نگران وفاقی وزیر آکھیا جو عام انتخابات دے صاف اتے شفاف انعقاد دے نال نال روز مرہ دے حکومتی معاملات چلاونڑ وی نگران حکومت دی ذمہ داری ہے اتے انہاں امور کوں پورا کرنڑ سانگے وزیراعظم سمیت پوری کابینہ اپنڑاں بھرپور اتے موثر کردار ادا کر یندی پی ہے ۔ وفاقی آکھیا جو ہک سوال چاتا گئے جو الیکشن کمیشن فوج کوں عام انتخابات دے موقع تے کیوں سڈے،الیکشن کمیشن این سانگے فوج دی مدد منگی کیونجو ڈھگ سارے ریاست مخالف عناصر ہن جیرھے جو پاکستان اچ عام انتخابات اچ تاخیر چا ہندن ، اساکوں الیکشن کمیشن دی تعریف کرنڑ چاہیدی ہے جوانہاں فوج پاکستان کوں سڈاتے پاکستان کوں جمہوریت دی راہ تے گامزن کرنڑ دا تہیہ کیتا ہوئے کیونجو ہزاراں پولنگ اسٹیشناں سمیت پاکستان اچ ووٹراں دی اتنی وڈی تعداد کوں کنٹرول کرنڑ اتے امیدواراں دی سیکورٹی دے معاملات بہوں وڈا مسئلہ ہا جینکوں افواج پاکستان دی مدد دے بغیر پاےہ تکمیل تئیں پجاونڑ مشکل مرحلہ ہا۔ سابق وزیراعظم محمد نواز شریف دے کیسسز متعلق نگران وفاقی وزیر آکھیا جونواز شریف دا جیل اچ ٹرائل کرنڑ سانگے نیب درخواست کیتی ہائی جو عدالت کوں ہک ڈینھ سانگے جیل منتقل کیتا ونجے جڈاں جو آئین دے آرٹیکل-A 10 مطابق فیئر ٹرائل ہونڑ چاہیدے جیندے تے سابق وزیراعظم نواز شریف دا معاملہ کابینہ اچ گھن تے آیا گیا جیندے تے کابینہ منظوری ڈتی جو آرٹیکل 10-Aتحت انہاں دا اوپن ٹرائل ہونڑ چاہیدے ۔انہاںآکھیا جو آونڑ آلی حکومت سانگے وڈے چیلنجاں وچوںدہشتگردی ہک وڈا چیلنج ہے جیندے خلاف جنگ جاری ہے ۔