راولپنڈی ۔ 13 جولائی (اے پی پی) پاک فوج دے سربراہ جنرل قمر جاوید باجوہ دہشت گردی دیاں سنگین کارروائیاں اچ ملوث بئے 12 خطر ناک دہشت گرداں دی سزائے موت دے فیصلیاں دی توثیق کرڈتی ہے ۔ اے دہشت گرد مسلح افواج ،قنون نافذ کرنڑآلے اداریاں اتے شہریاں اُتے حملیاں دے علاوہ بنوں اتے ڈیرہ اسماعیل خان جیل اُتے حملیاں اچ وی ملوث ہن ۔ دہشت گردی دیاں انہاں کاروائیاں دے دوران 7سوعام شہری سمیت 96 سکیورٹی اہلکار شہید اتے 58 زخمی تھئے ہن ۔ 6 دہشت گرداں کوں مختلف مدتاں دیاں سزاواں ڈتیاں گن۔
