اسلام آباد ۔ 19 جولائی (اے پی پی) الیکشن کمیشن سوشل میڈیا تے جاری پوسٹل بیلٹ پیپرز دے نتیجے کوں نقلی قرار ڈیندے ہوئیں وضاحت کیتی اے جو پوسٹل بیلٹ پیپرز نتیجے کٹھے کرنڑ دے بعد ہی کھولیے ویندن ۔خمیس کوں ترجمان الیکشن کمیشن ولوں جاری بیان دے مطابق سوشل میڈیا تے مختلف حلقیں دے حوالے نال پوسٹل بیلٹ دے نتیجے جاری کیتے ونجنڑ دے متعلق خبراں درست کائنی ۔اے نقلی ہن تے پوسٹل بیلٹ پیپرز پولنگ دے بعد نتیجے کٹھے کرنڑ دے دوران کھولیے ویندن ۔سوشل میڈیا تے ایں حوالے نال جاری نتیجے محض مفروضیں تے مبنی ہن ۔
