اسلام آباد ۔ 10 جولائی (اے پی پی) وزیراعظم جسٹس (ر) ناصر الملک کوں وزیراعظم آفس اچ ہوابازی ڈویژن دے حوالے نال ہک اجلاس اچ بریفنگ ڈتی گئی جیندے اچ وفاقی وزیر برائے ہوابازی لیفٹیننٹ جنرل (ر) نعیم خالد لودھی، سیکرٹری ہوابازی ڈاکٹر اعجاز منیر، وزیراعظم دے ایڈیشنل سیکرٹری ڈاکٹر کاظم نیاز، ڈائریکٹر جنرل اے ایس ایف میجر جنرل علی عباس، ڈی جی سول ایوی ایشن اتھارٹی جی حسن بیگ، ڈائریکٹر جنرل محکمہ موسمیات غلام رسول، چیف ایگزیکٹو آفیسر پی آئی اے مشرف رسول اتے بئے اعلیٰ افسران موجود ہن۔سیکرٹری ہوابازی ادارے دی ترقی سانگے اقدامات، فضائی ٹریفک دے تحفظ سول ایوی ایشن اتھارٹی، پی آئی اے، ایئرپورٹ سیکورٹی فورس اتے محکمہ موسمیات سودھے مختلف اداریاں دے حوالے نال ڈسایاجو 2015ءدی قومی ہوابازی پالیسی تے عملدرآمد سامنڑے آونڑ آلیاں معاملیاں دا پالیسی جائزہ گھدا ویندا پئے۔ وزیر اعظم ہدایت کیتی جو پی آئی اے دی بحالی کیتے بزنس پلان دے پہلے توں طے تھیونڑ آلے سنگ میل کوں پار کرنڑ کیتے ہک جامع حکمت عملی بنڑائی ونجے تاں جو ایں پلان تے کامیابی نال عمل کیتا ونج سگے۔ انہاں آپریشنل مسائل دے حل کیتے ہوابازی دے شعبے نال رلیے مختلف اداریاں وچال رابطے ودھاونڑ اتے فضائی سفر ودھ محفوط بنڑاونڑ کیتے اقدامات دی تعریف کیتی۔
