چیئرمین سینیٹ دی دالبندین اچ بلوچستان عوامی پارٹی دے انتخابی دفتر تے دستی بم حملے دی مذمت

اسلام آباد ۔ 23 جولائی (اے پی پی) چیئرمین سینیٹ محمد صادق سنجرانی دالبندین اچ بلوچستان عوامی پارٹی دے انتخابی دفتر تے دستی بم حملے دی شدید الفاظ اچ مذمت کریندے ہوئیں آکھیے جو دہشت گرد ملک دی ترقی، خوشحالی اتے جمہوریت کوں سبوتاژ کرنڑ اچ لگے پن لیکن ساریاں سیاسی جماعتاں کوں جمہوریت دی بقاءاتے ملک دی ترقی سانگے اپنڑیاں صفاں اچ اتحاد پیدا کرنڑاں ہوسی تاں جو انہاں عناصر دی حوصلہ شکنی کیتی ونجے جیرھے جو ملک اچ افراتفری کھنڈا تے اپنڑے مذموم عزائم دا حصول ممکن بنڑاونڑ چاہندن۔ چیئرمین سینیٹ زخمیاں دی صحت سانگے دعا کیتی ۔انھاں بلوچستان حکومت تے زور ڈتا زخمیاں کوں ہر ممکن طبی امدادڈتی ونجے