اسلام آباد ۔ 18 جولائی (اے پی پی) قومی احتساب بیورو دے چیئرمین جسٹس(ر) جاوید اقبال ڈی جی سول ایوی ایشن دے سنگتیاں نال پی آئی اے دی اسلام آبادتوں سکردو دی پرواز ایئر سفاری دے طورتے نانگا پربت دی فضائی سیر کیتے غیر قانونی طورتے استعمال کرنڑ اتے سکردو ایئر پورٹ تے اسلام آباد آونڑ آلے مسافراں کوں ڈھائی گھنٹے تانگھ اچ رکھنڑ دے واقعے دا نوٹس گھن گھدے۔چیئرمین نیب سارے معاملے تے سول ایوی ایشن اتے پی آئی اے دے ذمہ داران سامنڑے گھن آونڑ سودھا ڈی جی نیب گلگت بلتستان/راولپنڈی کوں شکایت دی مکمل پڑتال دا حکم ڈتے۔چیئرمین نیب پی آئی اے دے سابق چیف ایگزیکٹو ولوں طیارہ ملک توں بغیر اجازت باہر و گھن ونج تے کوڈی دے مُل ویچنڑ دی شکایت تے وی رپورٹ منگی اے۔
