اسلام آباد ۔ 5 جولائی (اے پی پی)چیئرمین پیمرا محمد سلیم بیگ اتے ایگزیکٹو ممبر اشفاق جمانی اسلام آباد اچ چیف الیکشن کمشنر جسٹس (ر) سردار محمد رضا اتے سیکرٹری بابر یعقوب فتح محمد نال ملاقات کیتی اے۔ملاقات اچ پیمرا ولوں شفاف اتے غیرجانبدارانہ عام انتخابات کیتے ہتھ ونڈاونڑ دی یقین دہانی کرائی گئی اے۔الیکشن کمیشن دے مطابق ملاقات اچ چیئرمین پیمرا محمد سلیم بیگ اتے ایگزیکٹو ممبر اشفاق جمانی چیف الیکشن کمشنر جسٹس (ر) سردار محمد رضا اتے سیکرٹری الیکشن کمیشن بابر یعقوب فتح محمد کوں میڈیا کیتے جاری ضابطہ اخلاق تے عملدرآمدسانگے پیشرفت ڈسائی گئی۔ سیکرٹری الیکشن کمیشن ہدایت کیتی جو پیمرمیڈیا کوں االیکشن کمیشن دے ضابطہ اخلاق تے عملدرآمد دا پابند کرے۔ ضابطہ اخلاق موجب پولنگ ڈینہہ نتائج دا اعلان شام 7 بجے توں پہلے کرنڑ تے پابندی ہوسی۔ایں سانگے الیکشن کمیشن میڈیا کوں ویلھے سر اتے مستند نتائج ڈیونڑ کیتے میڈیا سیل بنڑا ڈتے۔
