لاہور۔27جولائی(اے پی پی )چیف جسٹس آف پاکستان بیمار قیدیاں بارے قانون سازی دا حکم ڈے ڈتا تے سارے صوبائی حکومتاں کوں بیمار قیدیاں دی رجسٹریشن کرنڑ دی ہدایت کرڈتی ، سپریم کورٹ لاہور رجسٹری اچ چیف جسٹس آف پاکستان مسٹر جسٹس میاں ثاقب نثار دی سربراہی اچ بنچ جمعے دے ڈینھ جیلاں اچ قید کینسر تے بئے موذی مرض اچ مبتلا مریضاں بارے درخواست تے سماعت کیتی، دوران سماعت پنجاب اتے سندھ حکومت موذی بیماریاںاچ مبتلاقیدیاں بارے انجھ انجھ رپورٹ پیش کیتیاں ،پنجاب دی حکومت دے وکیل ڈسایا جو پنجاب اچ کینسر دے مرض اچ مبتلا ترائے قیدی ہن جنہاں کوں رہا کر ڈتا گے ۔سندھ حکومت دے مطابق جیل اچ ترائے قیدی بیمار ہن جیں اچوں ڈو انتقال کر گن ، چیف جسٹس پاکستان ڈسایا جو انہاں خود پشاور اچ کینسر دے مرض اچ مبتلا قیدی ڈٹھن ،چیف جسٹس پاکستان دی سربراہی اچ قائم بنچ حکم ڈتا جو صوبائی حکومتاں میڈیکل بورڈ دی رپورٹ دی روشنی اچ موذی بیماریاں اچ مبتلا قیدیاں دی رہائی دا جائزہ گھنن ، چیف جسٹس پاکستان بیمار قیدیاں بارے اچ قانون سازی دا حکم ڈتے ڈتا تے سارے صوبائی حکومتاں کوں قیدیاں دی رجسٹریشن کرنڑ دی ہدایت کیتی ۔
