اسلام آباد ۔ 25 جولائی (اے پی پی)سیکرٹری الیکشن کمیشن بابر یعقوب فتح محمد آکھیا جو کامیاب امیدواراں دے نوٹیفکیشن جاری کرنڑتوں پہلے انہاں حلقیاں اچ خواتین دے 10 فیصد ووٹ پاتے ونجنڑ دی تصدیق کیتی ویسی ۔ بدھ کوں گالھ مہاڑکریندے ہوئیں انہاں آکھیا جو خواتین کوں جتھاں ووٹ توں روکیا گیاں تاں اتھاں الیکشن کالعدم قرار ڈتا ونج سگدے ، نوٹیفکیشن توں پہلے چیک کیتا ونجے جو خواتین دے 10 فیصد ووٹ پاتے گن یا کائناں۔ واضح ہووے جو انتخابی قنون 2017ءدے تحت جنہاں پولنگ سٹیشناں یا حلقیاں اچ تریمتیں دے ووٹ دی شرح 10 فیصد توں گھٹ تھئی ،ا تھاں نتائج کالعدم قرار ڈتے ویسن ۔
