اسلام آباد ۔ 24 جولائی (اے پی پی) نگران وزیراعظم جسٹس (ر) ناصر الملک جزیرہ نما کوریا اچ مثبت اگوہیں دا خیرمقدم کریندے ہوئیں کوریائی کمپنیاں کوں دعوت ڈتی ہے جو اوپاکستان اچ سرمایہ کار دوست ماحول توں بھرپور فیدہ چاون ۔ انہاں اے گالھ جمہوریہ کوریا دے سفیر کواک سیونگ کیو نال گالھ مہاڑ اچ آکھی جنہاں منگل کوں وزیراعظم دفتر اچ انہاں نال گالھ مہاڑ کیتی ۔ وزیراعظم آکھیا جو پاکستان جمہوریہ کوریا دے نال دیرینہ دوستانہ تعلقات کوں بہوں اہمیت ڈیندے ۔ انہاں امید کیتی جو اے خوشگوار تعلقات سارے شعبیاں اچ پَھلدے پھُلدے راہسن۔ ڈوہائیں ملکاں وچال معاشی اتے ترقیاتی تعاون دا ذکر کریندے ہوئیں وزیراعظم کوریائی کمپنیاں کوں پاکستان اچ سرمایہ کار دوست ماحول توں بھرپور فید ہ چاونڑ دی دعوت ڈتی ۔
