سعودی ولی عہد دی منی اچ جنرل قمر جاوید باجوہ نال ملاقات اتے انہاں دے اعزاز اچ عشائیہ،پاک فوج دے سربراہ کوں حج دی مبارخ ڈتی

راولپنڈی۔ 22 اگست (اے پی پی) سعودی ولی عہد شہزادہ محمد بن سلمان پاک فوج دے سربراہ جنرل قمر جاوید باجوہ کوں گزریل رات منیٰ اچ ملاقات سانگے مدعو کیتا تے انہاں دے اعزاز اچ عشائیہ ڈتا ۔ پاک فوج دے محکمہ تعلقات عامہ آئی ایس پی آر دے مطابق سعودی ولی عہد حج دی ادائیگی تے پاک فوج دے سربراہ کوں مبارخ ڈتی ہے۔ ملاقات اچ ڈوہیں شخصیات علاقائی سلامتی سمیت سانجھے دلچسپی دے امورتے گال مہاڑ کیتی ۔ سعودی ولی عہد محمد بن سلمان درپیش چیلنجاں نال نبڑنڑ سانگے پاکستان دی کامیابی دی خواہش سمیت نویں حکومت سانگے اپنڑی نیک خواہشات تے ہر ممکن تعاون دا وی اظہار کیتا ۔پاک فوج دے سربراہ پاکستان سانگے انہاں دی نیک خواہشات دے اظہار اتے تعاون تے سعودی ولی عہد دا شکریہ ادا کیتا۔