اسلام آباد ۔ 8 اگست (اے پی پی) پاکستان اچ کاروبار کرنڑآلیاں غیرملکی کمپنیاں مالی سال 2017-18دے دوران 2ارب 32کروڑ ڈالر دا منافع پاکستان توں باہر منتقل کیتے ۔اسٹیٹ بینک آف پاکستان دے اعدادوشمار دے مطابق غیرملکی سرمایہ کاری توں حاصل شدہ منافع دی منتقلی مالی سال 2016-17 دے مقابلے اچ 21 کروڑ ڈالر ودھ ہئی۔ مالی سال 2016-17اچ غیرملکی سرمایہ کاراں 2ارب 11کروڑ ڈالر دا منافع باہرلے ملک منتقل کیتا ہئی ۔ اعدادوشمار دے مطابق مالی سال 2017-18دے دوران براہ راست سرمایہ کاری توں حاصل شدہ 2ارب 88کروڑ ڈالر جڈانجو غیرملکی نجی سرمایہ کاری توں حاصل کردہ 31کروڑ 35لکھ ڈالر دا منافع باہرلے ملک منتقل کیتا۔ مالی سال 2017-18اچ ساریاں توں ودھ 33 کروڑ ڈالر دا منافع کمیونیکیشن سیکٹر توں منتقل کیتا گئے ، جیندے اچ ٹیلی کام سیکٹر توں بھیجے گئے منافع دی مالیت 32کروڑ 78لکھ ڈالر ہئی ۔