اسلام آباد ۔ 21 اگست (اے پی پی) پاک فوج دے سربراہ جنرل قمر جاوید باجوہ دہشت گردی دے متاثرین دے بین الاقوامی ڈینھ دے موقع تے دہشت گردی دے متاثرین کو ںخراج عقیدت پیش کریندے ہوئیں آکھیے جو دہشت گردی ہک عالمی مسئلہ ہے تے ایندے نال نبڑنڑ سانگے اجتماعی کوششاں دی ضرورت ہے۔ منگل کوں پاک فوج دے محکمہ تعلقات عامہ آئی ایس پی آر ولوں جاری بیان دے مطابق پاک فوج د ے سربراہ جنرل قمر جاوید باجوہ آکھیے جو دہشت گردی بین الاقوامی مسئلہ ہے تے ایندے نال نبڑنڑ سانگے اجتماعی کوششاں دی ضرورت ہے۔ انہاں آکھیا جوپاکستان کجھ عرصے توں خاص طور تے گزریل ڈو دھائیاں دے دوران دہشت گردی دا شکار رہیا ۔انہاں آکھیا پاکستانی قوم تے ایندی مسلح فوج دہشت گردی دا دلیرانہ مقابلہ کیتے تے ایں چیلنج دا کامیابی نال سامنڑاں کیتے ۔
