آندے 24گھنٹے دے دوران راولپنڈی، اسلام آباد، بہاولپور، ملتان، ڈی آئی خان سمیت اتلے علاقیں اچ مینھ وسنڑ دا امکان اے ، محکمہ موسمیات

اسلام آباد ۔ 16 اگست (اے پی پی) محکمہ موسمیات دے مطابق آندے 24 گھنٹے دے دوران ملک دیاں بہوں ساریاں جہیں تے موسم رکھا رہ ویسی تاں جو راولپنڈی، گوجرانوالہ، لاہور، فیصل آباد، بہاولپور، ملتان، ڈی آئی خان، ہزارہ، کوہاٹ، بنوں، قلات، ژوب ڈویژن، اسلام آباد اتے کشمیر اچ کہیں کہیں جاہ تے کھمنڑ نال مینھ وسنڑ دا امکان اے ۔رپورٹ دے مطابق گذریل 24 گھنٹے دے دوران ملک دیاں بہوں ساریاں جہیں تے موسم گرم رہیا جڈاں جو فیصل آباد، راولپنڈی، لاہور، سرگودھا، بہاولپور، ہزارہ ڈویژن اتے اسلام آباد اچ کجھ جہیں تے تکھی ہوا تے کھمنڑ دے نال مینھ وسیا ۔