اقلیتی برادری ملکی ترقی اچ اہم کردار ادا کریندی پئی ہے ، ڈپٹی چئیرمین سینٹ سلیم مانڈوی والا

اسلام آباد ۔11 اگست(اے پی پی) ڈپٹی چئیرمین سینٹ سلیم مانڈوی والا آکھے جو اقلیتی برادری ملکی ترقی اچ اہم کردار ادا کریندی پئی ہے ۔ اقلیتی برادری معاشی اتے سماجی شعبے اچ ودھ چڑھ تے کردارادا کریندی پئی ہے ، اقلیتی برادری دے نال کہیں طرح دا وانجھ کائنی کیتا ویندا پیا۔ اقلیتاں دے عالمی ڈینھ دے موقعے تے سینٹ سیکرٹریٹ توں جاری سنیہے اچ ڈپٹی چئیرمین سینٹ آکھے جو اقلیتاں کوں مکمل حقوق حاصل ہن ۔ قائد اعظم 11 اگست دی تقریر اچ اقلیتاں کوں برابر دا شہری قرار ڈیونڑ دا اعلان کیتا ہئی ، ریاست دی ذمہ داری ہے جو او اقلیتاں دا مکمل تحفظ کرے ،اکثریت کوں اقلیت اُتے برتری دا موقع نہیں ملنڑاں چاہیدا۔