اسلام آباد ۔ 10 اگست (اے پی پی) الیکشن کمیشن آف پاکستان حلقہ این اے 53 توں عمران خان دی کامیابی دا باضابطہ نوٹیفکیشن جاری کر ڈتے۔ایں توں پہلے الیکشن کمیشن پاکستان دے عام انتخابات اچ 25جولائی کوں پولنگ دے ڈینھ بیلٹ دی رازداری پامال کریندیں ہوئیں انتخابی ضابطہ اخلاق دی خلاف ورزی دے معاملہ تے پاکستان تحریک انصاف دے چیئرمین عمران خان دی معافی قبول کر گھدی اتے حلقہ این اے 53 توں عمران خان دی کامیابی دا باضابطہ نوٹیفکیشن جاری کر ڈتا۔چیف الیکشن کمشنر جسٹس (ر) سردار محمد رضا دی سربراہی اچ چار رکنی کمیشن دے سامنڑے تحریری جواب اتے حلف نامہ پیش کیتا گئیا جئیں کوں قبول کر گھدا گئیا۔
