الیکشن کمیشن صدارتی انتخاب دا شیڈول جاری کرڈتا، نویں صدر دے انتخاب سانگے پولنگ 4 ستمبر کوں تھیسی

اسلام آباد ۔ 16 اگست (اے پی پی) الیکشن کمیشن صدارتی انتخاب دا شیڈول جاری کرڈتے ،نویںصدر دے انتخاب سانگے پولنگ 4 ستمبر کو ں تھیسی ۔ الیکشن کمیشن ولوں جاری شیڈول مطابق اسلام آباد اتے چارے صوبا ئی دارالحکومتاں اچ مقرر پریذائیڈنگ افسراں کوں 27 اگست 12 وجے تئیں کاغذات نامزدگی جمع کرائے ونج سگدن۔ کاغذات نامزدگی دی جانچ پڑتال اسلام آباد اچ ریٹرننگ افسراں ولوں 29 اگست کو ں تھیسی۔کاغذات نامزدگی 30 اگست کو ںواپس گھدے ونج سگسن۔ نامزد امیدواراں دی فہرست 30 اگست کو ںجاری کیتی ویسی جڈاں جو 4 ستمبر کو ںپارلیمنٹ ہاﺅس اسلام آباد، پنجاب اسمبلی بلڈنگ لہور، صوبائی اسمبلی بلڈنگ کراچی، صوبائی اسمبلی بلڈنگ پشاور، صوبائی اسمبلی بلڈنگ کوئٹہ اچ 10وجے توںشام 4 وجے تئیں ووٹنگ تھیسی۔