حاجیاں دی واپسی سانگے فلائٹ اپریشن اج توں شروع تھیسی

اسلام آباد ۔ 26 اگست (اے پی پی) حاجیاں دی واپسی سانگے فلائٹ اپریشن اج سنوار کوں شروع تھیسی ،پہلی حج پر واز 327 حاجیاں کوں گھن تے اسلام آباد پج ویسی مجموعی طور تے پہلے ڈینھ چار پروازاں دے ذریعے 950حاجی اسلام آباد اتے پشاورپج ویسن ۔240حاجی سعودی ائیر لائن دی پرواز ایس وی 794دے ذریعے ڈوپہر ترائے وج تے 25منٹ تے پشاور پج ویسن جڈاں جو قومی ائیر لائن پی آئی اے دی پرواز پی کے 3002شام 5وجے 327حاجیاں کوں گھن تے اسلام آباد آسی ۔ وزارت دے تر جمان دے مطابق سعودی عر ب توں ہک لکھ 84 ہزار فریضہ حج ادا کرنڑ آلے حاجیاں کوں وطن واپس گھن آونڑ دا فلائٹ اپریشن 25ستمبر کوں پورا تھی ویسی ۔