اسلام آباد ۔ 27 اگست (اے پی پی) پاکستان تحریک انصاف دے نامزد صدارتی امیدوار ڈاکٹر عارف علوی آکھیے جو پی ٹی آئی واضح اکثریت نال صدارتی الیکشن اچ کامیابی حاصل کریسی ، اپوزیشن اپنڑاں امیدوار دستبردار کروا گھنے۔ سنوار کوںاپنڑے کاغذات نامزدگی جمع کراونڑ دے بعد صحافیاں نال گال مہاڑ کریندے ہوئیں انہاں آکھیا جو میں اپنڑے کاغذات جمع کرا ڈتن جیں دی سکروٹنی (کل) بدھ کوں تھیسی ۔ انہاں آکھیا ڈوجھیاں سیاسی جماعتاں کوں وی پی ٹی آئی دے امیدوار دے حق اچ اپنڑاں امیدوار دستبردار کروا تے خیرسگالی دااظہار کرنڑاں چاہیدے لیکن انہاں اینویں کائنی کیتا۔انہاں آکھیا اگر او صدر منتخب تھی گے تاں او پاکستان دے کراچی نال تعلق رکھنڑ آلے ڈوجھے صدر ہوسن اتے اے انہاں دے صوبے سانگے اعزاز دی گال اے ۔
