سرکاری دفتراں اچ کم کرنڑآلیاں تریمتیں سانگے ڈے کیئر سینٹرز بنڑاونڑ چاہیدن، سینیٹر فیصل جاوید

اسلام آباد ۔ 31 اگست (اے پی پی) سینیٹ دی قائمہ کمیٹی برائے اطلاعات و نشریات دے چیئرمین فیصل جاوید آکھیے جو سرکاری دفتر اں اچ کم کرنڑ آلیاں تریمتیں سانگے ڈے کیئر سینٹرز بنڑن چاہیدن۔ جمعہ کوں سینٹ اجلاس اچ عوامی اہمیت دے معاملہ تے گالھ بات کریندے ہوئیںانہاں آکھیا جو جیرھی تریمتیں دے بال ہن ، انہاں کوں سرکاری اوقات کار دوران مشکلات دا سامنڑاں کرنڑ پوندے، انہاں دے بالاں سانگے ڈے کیئر سینٹرز بنڑائے ونجنڑ چاہیدن۔ ڈپٹی چیئرمین سینیٹ آکھیا جو ہنڑ تساڈی حکومت ہے تساں ایں حوالے نال آپ اقدامات کر سگدو۔