سپریم کورٹ طلال چوہدری کوں توہین عدالت دا مرتکب قرار ڈے ڈتا ، عدالت دے برخواست تھیونڑ تئیں دی سزا، پنج سال کیتے نااہل،ہک لکھ روپے جرمانہ

اسلام آباد ۔ 2 اگست (اے پی پی) سپریم کورٹ مسلم لیگ (ن) دے رہنما اتے سابق وزیر مملکت داخلہ طلال چوہدری دے خلاف توہین عدالت دے مقدمے دا محفوظ سنڑیندے ہوئیں انہاں کوں پنج سال سانگے نا اہل قرار ڈے ڈتا عدالت انہاں کوں ہک لکھ روپے جرمانہ تے عدالت دے برخواست تھیونڑ تئیں دی سزا سنڑائی اے ۔ یاد رہے جو سپریم کورٹ طلال چوہدری ولوں عدالت عظمیٰ دے جج صاحبان اتے عدلیہ دے خلاف غیر مناسب زبان استعمال کرنڑ تے نوٹس گھندے ہوئیں انہاں کوں توہین عدالت دا نوٹس جاری کیتا ہئی ۔ توہین عدالت دے مقدمے دی سماعت پوری تھیونڑ دے بعد 11جولائی کوں فیصلہ محفوظ کیتا گیا ہئی جیرھا جو خمیس دی سویل جسٹس گلزار احمد دی سربراہی اچ ترائے رکنی بنچ سنڑایا ۔ عدالت اپنڑے فیصلے اچ آرٹےکل 204 دے تحت طلال چوہدری کو ں پنج سانگے سانگے کہیں وی عوام عہدے سانگے نااہل قرار ڈتے تے انہاں کوں ہک لکھ روپے جرمانے دے نال عدالت دے برخاست تھیونڑ تئیں دی سزاسنڑائی۔