اسلام آباد ۔ 20 اگست (اے پی پی) سپیکر قومی اسمبلی اسد قیصر قومی اسمبلی سیکرٹریٹ دے ملازماں کوں ہدایت کیتی اے جو وزیراعظم دے کفایت شعاری دے وژن تے عمل درآمد کریندے ہوئیں جیں حد تئیں ممکن تھی سگے خرچے گھٹ کیتے ونجن جڈاں جو سپیکر قومی اسمبلی سیکرٹریٹ دے بجٹ اتے خرچے دی تفصیل منگ گھدی ۔سنوار کوں سپیکر قومی اسمبلی اسد قیصر قومی اسمبلی سیکرٹریٹ دے اعلیٰ افسراں دے نال قومی اسمبلی سیکرٹریٹ دے مختلف دفتراں دا دورہ کیتا ۔ایں موقع تے سپیکر قومی اسمبلی دے افسراں کوں وزیراعظم دے کفاےت شعاری دے ویژن تے عمل درآمدکرنڑ تے سیکرٹریٹ دے خرچے کوں گھٹ کرنڑ دی ہدایت کیتی تے آکھیا جو سارے غیر ضروری خرچے نہ کیتے ونجن ۔انہاں قومی اسمبلی دی لائبریری اتے شعبہ تحقیق دا وی دورہ کیتا تے افسراں کوں ہدایت کیتی جو ارکان قومی اسمبلی کوں قانون سازی دے ہر ممکن معاونت ڈتی ونجے ۔
