اسلام آباد ۔ 20 اگست (اے پی پی) سپیکر قومی اسمبلی اسد قیصر اتے ڈپٹی سپیکر قاسم خان سوری وفاقی کابینہ دے وزیراں کوں حلف چاونڑ تے مبارخ ڈتی اے ۔سنوار کوں قومی اسمبلی سیکرٹریٹ میڈیا ونگ توں جاری بیان اچ سپیکر قومی اسمبلی آکھیا جو نویں وفاقی کابینہ انتہائی باصلاحیت، مخلص اتے دیانتدار وزیر اں تے مشتمل ہے اتے وزیراعظم پاکستان عمران خان دے وژن دی عکاس ہے۔ نویں کابینہ عمران خان دی قیادت اچ ملک کوں صحیح معنے اچ اسلامی فلاحی ریاست بنڑاونڑ تے ترقی دے رستے تے گامزن کرنڑ اچ کوئی کسر نہ چھوڑیسی ۔ ڈپٹی سپیکر آکھیا جونویں وفاقی کابینہ عوامی امنگاں تے پوری لہسی تے ملک اچ خوشحالی دے ہک نویں دور دا آغاز تھیسی ۔ سپیکر تے ڈپٹی سپیکر نویں کابینہ سانگے نیک خواہشات دا اظہار تے کامیابی سانگے دعا کیتی ۔
