سپیکر قومی اسمبلی اسد قیصر نال چین دے سفیر یاﺅ چن دی ملاقات، ڈوطرفہ تعلقات سمیت سانجھی دلچسپی دے امور تے گال مہاڑ

اسلام آباد ۔ 27 اگست (اے پی پی) سپیکر قومی اسمبلی اسدقیصرنال پاکستان اچ چین دے سفیر یاﺅ چن سونوار کوں پارلیمنٹ ہاﺅس اچ ملاقات کیتی۔ ملاقات اچ ڈوطرفہ تعلقات سمیت آپس دے دلچسپی دے امور تے گال مہاڑ کیتی۔ ایں موقع تے چینی سفیر نال گال بات کریندے ہوئیں سپیکر آکھیا جوپاک چین یاری ہمیشہ ہر امتحان اچ پوری لتھی ہے اتے ڈوہائیں ملکاں علاقائی اتے عالمی فورمز تے ہک بئے دے موقف دی حمایت کیتی ہے۔ انہاں آکھیا جو ڈوہائیں ہمسایہ ملکاں دی یاری دا رشتہ باہمی اعتماد اتے احترام دی مضبوط بنیاداں تے استوار ہے۔ پاک چین اقتصادی راہداری منصوبہ نہ صرف ڈوہائیں ہمسائیہ ملکاں بلکہ پورے خطے دی ترقی تے خوشحالی دامنصوبہ ہے۔