اسلام آباد ۔26 اگست(اے پی پی)الیکشن کمیشن صدارتی انتخاب اچ حصہ گھننڑ دے خواہش مند امیدواراں کوں ہدایت کیتی اے جو او اپنڑے کاغذات نامزدگی اج (سنوار)12وجے تئیں پریزائیڈنگ افسراں کوں جمع کرا ڈیون ۔امیداوار اج ڈوپہر 12وجے تئیں اسلام آباد، لاہور، کراچی، پشاور اتے کوئٹہ اچ پریذائیڈنگ افسراں کوں اپنڑے کاغذات جمع کروا سگدن ۔چیف الیکشن کمشنر بدھ کوں الیکشن کمیشن سیکرٹریٹ اچ سویل ڈاہ وجے کاغذات نامزدگی دی جانچ پڑتال کریسن۔صدر دے نتخاب سانگے پولنگ اگلے مہینے دی چار تاریخ کوں تھیسی تے سینیٹ، قومی اسمبلی اتے صوبائی اسمبلیاں دے ارکان اپنڑاں حق رائے دہی استعمال کریسن ۔
