اسلام آباد ۔ 31 اگست (اے پی پی) الیکشن کمیشن آکھیے جوصدارتی انتخاب خفیہ رائے شماری نال تھیسی،ایں سانگے ریٹرننگ افسران تے لازم ہے جواوہ ووٹ دی رازداری کوں ہرممکن طریقے نال یقینی بنڑاون۔ موبائل فون یا کہیں الیکٹرانک ڈیوائس دے ذریعے بیلٹ پیپر دی تصویر بناونڑ توں روکیا گئے۔ الیکشن کمیشن دے اعلامیے مطابق سینیٹ، قومی اسمبلی اتے صوبائی اسمبلیاں دے ارکان دی الیکشن کمیشن توجہ مبذول کرائی ہے جو آئین دے آرٹیکل 12 تحت صدارتی الیکشن خفیہ رائے شماری نال تھیسی۔ ایں ضمن اچ چیف الیکشن کمشنر پریذائیڈنگ افسراں کوں ہدایت کیتی ہے جو صدارتی الیکشن دے موقع تے ایں بات کوں یقینی بنڑایا وی جو ووٹ دی راز داری دا ہرممکن طریقے نال خیال رکھیاویسی، کہیں کوں وی موبائل فون یا الیکٹرانک ڈیوائس دے ذریعے بیلٹ پیپر دی تصویر بناونڑ توں روکیا ویسی۔
