صدر مملکت دا بدعنوان عناصر دے احتساب اتے بدعنوانی دے خلاف اقدامات دی ضرورت تے زور

لندن ۔ 25 اگست (اے پی پی) صدر مملکت ممنون حسین بدعنوان عناصر دے احتساب اتے بدعنوانی دے خلاف اقدامات دی ضرورت تے زور ڈتے ۔ صدر مملکت ممنون حسین لندن اچ ایئرپورٹ تے پاکستانی صحافیاں نال گال مہاڑ کریندے ہوئیں آکھیا جو او ملک اچ بد عنوان عناصر دے احتساب دے حق اچ ہں ۔انہاں آکھیا جو اے اللہ دا قانون ہے ضو جڈاں تئیں کوئی وی بندہ کہیں بد عنوانی اچ ملوث ہوندے یا تاں ایندی وختی یا دیر تئیں تحقیقات تے پکڑ تھیندی اے ۔صدر مملکت دے استقبال سانگے برطانیہ اچ ہائی کمشنر احمد خان ائیر پورٹ تے موجود ہن ۔صدر مملکت برطانیہ اچ آمد دے حوالے نال سوال تے آکھیا جو او ایڈن برگ اچ رائل کالج آف فزیشنز دی دعوت تے آئے ہن ۔انہاں آکھیا جو پاکستان اچ بدعنوان عناصر دا احتساب ضرور تھیونڑاں چاہیدے لیکن اے عمل ایمانداری نال ساریں دے خلاف ہوونڑاں چاہیدے ۔