اسلام آباد۔ 22 اگست (اے پی پی) صدر مملکت ممنون حسین آکھیے جو عید الاضحی حضرت ابراہیم علیہ السلام دی اطاعت خداوندی اتے حضرت اسماعیل علیہ السلام دی تسلیم تے رضا دی یاد گار ہے،اج دے ڈینھ انہاں عظیم انبیائے کرام اطاعت تے ایثار اتے قربانی دی لازوال مثال پیش کیتی ہئی تے اے عمل رہندی دنیا تئیںسانگے ہک مشعل راہ دی حیثیت اختیار کر گے وڈے مقاصد دی تکمیل اتے ایندی دنیا کوں ڈکھیں توں پاک کرنڑ سانگے اپنڑی پیاری شئے حتیٰ کہ اولاد کوں وی قربان کرنڑاں پووے تاں ایندے توں گریز نہ کیتا ویسی ،دنیا کوں اوکھے مسلیں دے چنگل توں کڈھ تے امن تے محبت تے اخوت دا گہوارہ بنڑاونڑ سانگے اپنڑی ساریں توں پیاری چیز دی قربانی ناگزیر ہے ، عیدالضحیٰ دے موقع تے قوم دے ناں جاری پیغام اچ انہاں آکھیا جو عیدالضحیٰ دے پر مسرت موقع تے میں پاکستانی قوم کوں مبارخ پیش کرینداں تے اللہ سئیں دی بارگاہ اچ دعا کرینداں جو پاکستان قوم تے پوری ملت اسلامیہ دی عبادات تے قربانیاں قبول فرماوے ۔
