صوبیں دی مشاورت نال تعلیم دے شعبے اچ کم کریسوں ،پاکستان سانگے سارے اقدامات کرنڑ اساڈی ذمے واری ہے ،وفاقی وزیر وفاقی تعلیم تے پیشہ ورانہ تربیت شفقت محمود

APP19-25 ISLAMABAD: August 25 - Federal Minister for Federal Education and Professional Training, Shafqat Mahmood chairing a briefing at Ministry of Education. APP photo by Saleem Rana

اسلام آباد ۔ 25 اگست (اے پی پی) وفاقی وزیر وفاقی تعلیم تے پیشہ ورانہ تربیت شفقت محمود آکھیے جو صوبیں دی مشاورت نال تعلیم دے شعبے اچ کم کریسوں ، آئین پاکستان دے تحت بالاں کوں تعلیم نال روشناس کرویسوں ،اساڈی ذمے واری ہے جو پڑھے لکھے پاکستان سانگے اقدامات کریسوں انہاں خیالاں دا اظہار انہاں ہفتے کوں وزارت تعلیم اچ اعلیٰ سطحی اجلاس دی صدارت کریندے ہوئیں کیتا ۔وفاقی وزیر آکھیا جو صحیح معنے اچ بہترین تعلیمی معیار بالاں کوں ڈیسوں ،اگلے مہینے توں وزارت دے ماتحت اداریں دا دورہ کریساں ،وفاقی سیکر ٹری تعلیم ارشد مرزا وزارت دے ماتحت اداریں دے حوالے نال وفاقی وزیر کوں بریفنگ ڈتی تے آکھیا جو وزات دے ماتحت پندرہ ادارے کم کریندے پن جیں اچ فیڈرل بورڈ، نیفٹیک، این سی ایچ ڈی، این ای ایف سمیت ادارہ تعلیم تےفنی تربیت سانگے خدمات سرانجام ڈیندے پن ۔