اسلام آباد ۔ 15 اگست (اے پی پی) نامزد وزیراعظم عمران خان بدھ کوں قومی اسمبلی دے اجلاس توں پہلے جھنگ توں پی ٹی آئی دے نومنتخب رکن صاحبزادہ محبوب سلطان دی سیٹ تے ونج تے انہاں دی والدہ دی فوتگی تے اظہار تعزیت کیتا۔ بدھ کوں قومی اسمبلی اجلاس توں پہلے تحریک انصاف دی تریمت رکن غلام بی بی بھروانہ عمران خان دی توجہ انہاں دے پاسے ڈیوائی جو صاحبزادہ محبوب سلطان ایوان اچ موجود ہن۔ عمران خان انہاں دے کٹھے محبوب سلطان دی سیٹ تے گئے اتے انہاں دی والدہ سانگے فاتحہ خوانی کرائی۔ صاحبزادہ محبوب سلطان نال بئے ارکان وی تعزیت اتے افسوس کریندے رہے۔
