وزیر اعلی ’ وزیر اعظم کوںچیلاس اچ بالڑیاں دے سکول ساڑنڑ دی تحقیقات اچ ہنڑ تئیں تھیونڑ آلی پیشرفت بارے ڈسیا،وزیر اعظم جسٹس(ر) ناصرالملک دی واقعہ اچ ملوث بندیاں دے خلاف سخت کاروائی یقینی بنڑاونڑ دی ہدایت
اسلام آباد ۔ 4 اگست (اے پی پی) نگران وزیر اعظم جسٹس (ر) ناصر الملک وزیر اعلی گلگت بلتستان حافظ حفیظ الرحمن نال ٹیلیفونک رابطہ کیتا اتے چیلاس اچ بالڑیاں دے سکول ساڑنڑ دے واقعہ دی تفصیلات پچھی ۔وزیراعظم سیکرٹریٹ ولوں جاری بیان دے مطابق وزیر اعلی ’ وزیر اعظم کوںچیلاس اچ بالڑیاں دے سکول ساڑنڑ دی تحقیقات اچ ہنڑ تئیں تھیونڑ آلی پیشرفت بارے ڈسیا،وزیر اعظم جسٹس(ر) ناصرالملک دی واقعہ اچ ملوث بندیاں دے خلاف سخت کاروائی یقینی بنڑاونڑ دی ہدایت کیتی۔وزیراعظم واقعے دی مذمت کیتی اتے آکھیا جو بالڑیاں کوں تعلیم دی سہولت توں محروم رکھنڑ اتے سکولاں کوں ساڑنڑ دی کوشش کہیں صورت قبول کائنی ۔
