وزیراعظم عمران خان دا جی ایچ کیو دا پہلا دورہ ،آرمی چیف جنرل قمر جاوید باجوہ نال ملاقات

وزیراعظم عمران خان دا جی ایچ کیو دا پہلا دورہ ،آرمی چیف جنرل قمر جاوید باجوہ نال ملاقات ،ملکی سلامتی اتے سرحدی صورتحال سودھی پاک فوج دیاں آپریشنل تیاریاں تے تفصیلی بریفنگ ،جی ایچ کیو پجنڑ تے وزیراعظم دا آرمی چیف استقبال کیتا ،وفاقی وزیر خارجہ،دفاع،اطلاعات،خزانہ اتے وزیرمملکت براہ داخلہ وی وزیرعظم دے رلے ہن ۔
راولپنڈی ۔ 30 اگست (اے پی پی)وزیراعظم عمران خان دا جی ایچ کیو دا پہلا دورہ ،آرمی چیف جنرل قمر جاوید باجوہ نال ملاقات ،ملکی سلامتی اتے سرحدی صورتحال سودھی پاک فوج دیاں آپریشنل تیاریاں تے تفصیلی بریفنگ ڈتی گئی۔جی ایچ کیو پجنڑ تے وزیراعظم دا آرمی چیف استقبال کیتا ،وفاقی وزیر خارجہ،دفاع،اطلاعات،خزانہ اتے وزیرمملکت براہ داخلہ وی وزیرعظم دے رلے ہن ۔پاک فوج دے شعبہ تعلقات عامہ،آئی ایس پی آر دے مطابق وزیراعظم عمران خان کوں جی ایچ کیو اچ اعلیٰ فوجی حکام خطے دی سلامتی،خصوصی طور افغانستان دی صورتحال ،پاکستان اتے افغان سرحد تے باڑ لاونڑ دے نال نال ایل او سی اتے ورکنگ باﺅنڈری بارے بریفنگ ڈتی گئی ۔ایں توں پہلے وزیراعظم عمران خان اپنڑی ٹیم نال سویلے ڈاہ وجے جی ایچ کیو پجیے جتھاں انہاں کوں اٹھ گھنٹے لمبی بریفنگ ڈتی گئی ۔ایں موقع تے وزیراعظم اتے آرمی چیف دی ملاقات اچ اتفاق کیتا گئے جو خطے اچ امن دی کوششاں جاری رکھن ویسن اتے دہشت گردی کوں کہیں صورت ولا سر چاونڑ ڈتا ویسی اتے نہ ای پاکستان دی سرزمین تے کہیں دہشت گرد دی جاہ اے۔ملاقات اچ دہشت گردی دے خلاف جنگ اچ پاکستان دے عام شہریاں خصوصی طور پاک فوج دے جواناں دیاں قربانیاں کوں خراج عقیدت پیش کیتا گئیا