اسلام آباد ۔ 24 اگست (اے پی پی) وزیراعظم عمران خان آکھیے جو پاکستان دے عوام کوں نویں پاکستان دی اسمبلی توں بہوں زیادہ توقعات ہن ۔ انہاں اے گال سپیکر قومی اسمبلی اسد قیصر نال گال مہاڑ کریندے ہوئیں آکھی جنہاں جمعے کوں اتھاں وزیراعظم آفس اچ ملاقات کیتی۔سپیکر قومی اسمبلی وزیراعظم کوں منصب سنبھالنڑ تے عید دی مبارخ وی ڈتی ۔ ملاقات دے دوران اسمبلی اچ قانون سازی دے امو ر تے گال مہاڑ تھی ، وزیراعظم ایں امر تے زور ڈتا جو اسمبلی دے خرچے ہر ممکن حد تئیں گھٹ کیتے ونجن ۔ سپیکر قومی اسمبلی آکھیا جو قانون سازی اموردی خوش اسلوبی نال انجام دہی اتے عوام دے بنیادی مسلیں دے تکھے حل سانگے ساریاں کوششاں کیتیاں ویسن ۔
