وزیر اطلاعات و نشریات دی عیدالاضحی تے قوم اتے حاجیاں کوں مبارخ باد اساں اج دے متبرک ڈینھ ایں عزم دا اعادہ کریندوں جو پاکستان دی حفاظت سانگے کہیں قربانی توں پچھوں کائناں ہٹسوں ،پاکستانی قوم قربانی دا عظیم جذبہ رکھیندی اے وزیر اطلاعات و نشریات فواد چوہدری

اسلام آباد۔ 22 اگست (اے پی پی) وزیر اطلاعات و نشریات فواد چوہدری آکھیے جو عید اللہ سئیں دیاں رحمتاں تے عنایات دا ذریعہ ہے، اے ڈینھ محبت تے خلوص، اطاعت اتے شکر گزاری دا پیکر، عظیم ہستیاں دی ایجھی یاد ڈویندے ، اساکوں قربانی دے حقیقی فلسفے کوں سمجھدے ہوئے اپنڑے نادار تے کمزور طبقے دا خیال رکھنڑاں چاہیدے ۔وفاقی وزیر عید دے مبارخ ڈینھ دے موقع تے قوم کوں مبارخ ڈیندے ہوئیں اپنڑے پیغام اچ آکھیا جو پاکستانی قوم قربانی دا عظیم جذبہ رکھیندی اے ،اے مثالی ایثار دنیا اچ ہک روشن مثال ہے جیرھا جو ڈوجھے پاسے مادر وطن سانگے قربانی دے او جوہر ڈکھا چکی ہے جیں تے ہر پاکستانی دا سر فخر نال بلند ہے ۔وفاقی وزیر آکھیا اج اساں متبرک ڈینھ ایں عزم دا اعادہ کریندوں جو پاکستان دی حفاظت سانگے کہیں قربانی توں دریغ نہ کریسوں ۔وفاقی وزیر آکھیا جو خوش قسمت مسلماناں کوں وی مبارخ ڈینداں جنہاں حج دی سعادت حاصل کیتی اے ۔