اسلام آباد ۔ 29 اگست (اے پی پی) وزیر خارجہ مخدوم شاہ محمود قریشی نال بدھ کوں اتھاں برطانوی ہائی کمشنر تھامس ڈریو ملاقات کیتی۔ہائی کمشنر وزیر خارجہ کوں عہدہ سنبھالنڑاُتے مبارخ ڈتی اتے برطانوی حکومت ولوں ڈوہائیں ملکاں وچال تجارت، سرمایہ کاری، امن تے سلامتی اتے ترقیاتی تعاون سمیت ڈوطرفہ دلچسپی دے سارے شعبیاں اچ تعاون کوں بیا ودھاونڑ دی خواہش ظاہر کیتی ۔ دفتر خارجہ دے ترجمان دے مطابق وزیر خارجہ شاہ محمود قریشی برطانوی ہائی کمشنر دا شکریہ ادا کیتا اتے ڈو طرفہ تعاون دی موجودہ سطح اُتے تسلی دا اظہار کیتا۔ وزیر خارجہ ڈوہائیں ملکاں وچال عوامی رابطے ودھاونڑ ، تجارت اتے اقتصادی گانڈے کوں ودھاونڑ دی لوڑ اُتے زور ڈتے ۔
