وفاقی وزیر ریلوے شیخ رشید احمد نا ل چین دے سفیر یاﺅ جنگ دی ملاقات

APP02-31 ISLAMABAD: August 31 - Federal Minister for Railways Sheikh Rasheed Ahmad talking to Chinese Ambassador Yao Jing during a meeting in his office. APP photo by Saleem Rana

اسلام آباد ۔ 31 اگست (اے پی پی) وفاقی وزیر ریلوے شیخ رشید احمد نال جمعہ کوں چین دے سفیر یاﺅ جنگ ملاقات کیتی۔ ملاقات اچ ریلوے دے منصوبیاں کوں تیزی نال مکمل کرنڑ دی غرض نال ہک بئے نال بھرپور تعاون دا اظہار کیتا گیا۔ وفاقی وزیر ریلوے ایں موقع تے آکھیا جو سی پیک پاکستانی معیشت دی ریڑھ دی ہڈی ہے اتے پاکستان ریلوے دے شعبہ اچ چین دے تجربات توں بہوں کجھ سیکھ سگدے۔ انہاں ریلوے نال متعلقہ منصوبیں اچ چین دے تعاون دی تعریف کیتی۔ ایں موقع تے ریلوے دے حوالے نال آپس دی دلچسپی دے امور تے خیالیں دا تبادلہ کیتا گیا اتے چینی سفیر پاکستان دی نویں حکومت دے نال رل مل تے کم کرنڑ دے اپنڑیں حکومت دے عزم دا اعادہ کیتا۔ ایں موقع تے چیئرمین ریلویز جاویدانور، پاکستان ریلوے دے چیف ایگزیکٹو آفیسر آفتاب اکبر، سیکرٹری ریلوے بورڈ فرخ تیمور غلزئی اتے ڈی جی ٹیکنیکل منور علی شاہ وی موجود ہن۔