اسلام آباد ۔ 18 اگست (اے پی پی) نو منتخب وزیراعظم عمران خان اپنڑے عہدے دا حلف چاءگھدے، انہاں توں حلف صدر مملکت ممنون حسین گھدے۔ نو منتخب وزیر اعظم عمران احمد خان نیازی ملک دے 22ویں وزیراعظم دا حلف چاءگھدے۔وزیراعظم دے حلف دی تقریب ایوان صدر اسلام آباد اچ تھئی اے جتھاں صدر مملکت ممنون حسین نویں وزیراعظم عمران خان توں حلف گھدے، ایں موقع تے نگران وزیراعظم جسٹس ریٹائرڈ ناصر الملک ، چارے سروسز چیفس،وفاقی و صوبائی کابینہ دے ارکان، گورنرز، نگران وزرائے اعلیٰ اتے بیان اہم شخصیتاں وی موجود ہن۔ایں توں پہلے عمران خان کالی شیروانی پاءتے صدر مملکت ممنون حسین اتے نگران وزیراعظم جسٹس ریٹائرڈ ناصر الملک دے نال حلف چاونڑ کیتے آئن تاں اتھاں موجود مہماناں اٹھی تے انہاں دا استقبال کیتا۔ حلف چاونڑ توں بعد وزیراعظم عمران خان مہماناں دے نال سلام دعا کریندے ہوئے گارڈ آف آنر کیتے لگے گین۔
