اسلام آباد ۔ 10 اگست (اے پی پی) پاکستان تحریک انصاف خیبرپختونخوا توں رکن قومی اسمبلی اسد قیصر کوں ایوان زیریں دا سپیکر نامزدڈتے جڈاں جو سابق گورنر اتے سینیٹرچوہدری محمد سروردی گورنر پنجاب دے عہدے کیتے نامزدگی کیتی گئی اے۔اے فیصلہ پی ٹی آئی دے چیئرمین عمران خان دی سربراہی اچ تحریک انصاف دے اجلاس اچ کیتا گئے۔اجلاس توں بعد پی ٹی آئی دے وائس چیئرمین شاہ محمود قریشی آکھیے جو اجلاس اچ کئی اہم فیصلے تھین،اسد قیصر سپیکر قومی اسمبلی نامزد کیتا گئے جیہڑے کے پی کے اسمبلی اچ وی سپیکر ہن، او ساریاں روایات توں واقف ہین۔ڈوجھ اہم فیصلہ چوہدری محمد سرور کوں گورنر پنجاب لاونر دا کیتا گئے۔ انہاں آکھیے جو پنجاب اچ تحریک انصاف کوں واضح اکثریت مل گئی اے اتے اساں حکومت بنڑاونڑ کیتے تیار ہیں،چوہدری سرورکوں تہوں گورنر بنڑایا ویندا پئے کیوں جو او پنجاب اچ حکومت سازی توں واقف ہین اتے او پارلیمانی بورڈدا وی حصہ ہن، پنجاب دا جیہڑا وی وزیر اعلیٰ ہوسی اوندے نال پورا ہتھ ونڈیسن۔ شاہ محمود قریشی ااکھیا جو 13 اگست کوں رات 8 وجے عمران خان اجلاس کریسن۔ انہاں آکھیے جو اختر مینگل تحریک انصاف نال تعاون دی زبان ڈتی اے جڈاں جو جی ڈی اے دی قیادت وی حمایت دا اعلان کیتے، کجھ آزاد امیدوار وی ساڈے نال ہوسن۔
