اسلام آباد۔8 اگست(اے پی پی )عید الاضحی دے موقعے تے پاکستان ریلوےز آپ دی پرانڑیں روایت دے مطابق ایں سال وی 5 خصوصی ریل گاڈیاں چلاونڑ دا فیصلہ کیتے ۔ ریلوے ذرائع دے مطابق کراچی توں براستہ فیصل آباد، سرگودھا اتے راولپنڈی تئیں خصوصی ریل گاڈی کراچی توں 19 اگست کوں روانہ تھیسی جیہڑی جو آندے دینھ سرگودھا توں تھیندی ہوئی راولپنڈی پجسی ، ایں طرح پشاوراتے لہور کیتے وی خصوصی عید ریل گاڈی دا اعلان کیتا گئے ۔
