پاکستان ریلوے دے خسارے اچ گھٹکی سانگے سارے اقدامات کیتے ویسن ، وفاقی وزیرریلوے شیخ رشید احمد

اسلام آباد۔ 22 اگست (اے پی پی)وفاقی وزیرریلوے شیخ رشید احمد آکھیا جو پاکستان ریلوے دے خسارے اچ گھٹکی سانگے سارے اقدامات کیتے ویسن ۔ بدھ کوں اتھاں عیدالاضحیٰ دی ادائیگی دے بعد صحافیاں نال گال مہاڑ کریندے ہوئیں انہاں آکھیا جو قومی احتساب بیورو (نیب) اچ کرپشن مقدمیں اچ نصف پاکستان ریلویز متعلق ہن جیرھا جو بد قسمتی ہے ۔انہاں آکھیا میکوں پاکستان ریلویز کوں درست کرنڑ دی ذمے واری ڈتی گی اے ۔ وفاقی وزیر آکھیا او ملک توں کرپشن دا خاتمہ چاہندن ایں سلسلے اچ گھٹ توں گھٹ 25 کمیشنز دی ضرورت ہے۔ ہک سوال دے جواب اچ انہاں آکھیا جو اگر پاکستان تحریک انصاف (پی ٹی آئی) اپنڑے 15 فیصد وعدے پورے کرنڑ اچ وی کامیاب تھی تی تاں عوام ایندی کاکردگی توں مطمئن تھی ویسی ۔