اسلام آباد ۔ 15 اگست (اے پی پی) نگران وفاقی وزیر صحت محمد یوسف شیخ آکھیے جو پاکستان پائیدار ترقی دے اہداف دا ایجنڈا اتے یونیورسل ہیلتھ کوریج (یو ایچ سی)دے حصول سانگے پرعزم ہے اتے اپنڑے عوام دی سماجی تے اقتصادی ترقی کوں یقینی بنڑاونڑ سانگے ہر شہری دی جسمانی صحت تے تندرستی دے سلسلے اچ ایجنڈا تے کامیاب ترین عمل درآمد کرنڑاں چاہیدے جڈاں جو انہاں اے گال نیشنل یونیورسل ہیلتھ کوریج بارے ترجیحات اتے فائدے دے پیکیج بارے اجلاس نال خطاب کریندے ہوئیں آکھی ۔ وفاقی وزیر قومی صحت محمد یوسف شیخ آکھیا جو یونیورسل ہیلتھ کوریج تے عملدرآمد دا تقاضا ہے جو انہاں دے مداخل دی کوریج ڈتی ونجے جیرھا جو بیماری اتے اموات دا سبب ہن تے ایں ضمن اچ بیماریاں دی روک تھام ، علاج معالجہ ، اتے بحالی دی خدمات تے بھرپور توجہ ڈتی ونجے ۔وفاقی وزےر قومی صحت آکھیا جو ہسپتال ، بیماری اتے طبی نگہداشت تے مبنی ماڈلز توں ہیلتھ دے ایں نظام دی صلاحیت کو ں ضیان پجاونڑ ہے جو مالی لحاظ توں سستا ، اعلیٰ معیاری، مساوی تے یکساں پائیدار طبی نگہداشت دی فراہمی کریندے ایں سانگے حکمت عملی دا تقاضا ہے جو لوکاں تے کمیونٹی کوں انہاں دے مرکز تے مربوط طور تے وختی خدمات ڈیونڑ آلے ماڈل تے مرکوز کیتیاں ونجن ۔
