اسلام آباد ۔ 12 اگست (اے پی پی) پنڈی بھٹیاں۔ ملتان موٹروے ایم فور دا 62 کلومیٹر گوجرہ شورکوٹ سیکشن ایں سال اکتوبر اچ ٹریفک کیتے کھول ڈتا ویسی ۔ ایں ایچ اے دے ترجمان کاشف زمان ”اے پی پی“ کوں ڈسایا جو ایں سیکشن دی تکمیل دے بعد ایم فور دے پنج اچوں چار سیکشن کم کرنڑ شروع تھی ویسن ۔ صرف شورکوٹ خانیوال سیکشن رہ ویسی ۔ انہاں آکھیا جو گوجرہ شورکوٹ سیکشن کوں وقت اُتے پورا کرنڑ سانگے ڈو سیکشنز اچ تقسیم کیتا گیا ہئی ، 8 ارب 35 کروڑ روپے دی لاگت نال 31 کلومیٹر گوجرہ جمانی پیکج اُتے چین دی کمپنی سوئٹزرلینڈ دے کنسلٹنٹ دے نال رل تے مکمل کیتے۔ جمانی شورکوٹ سیکشن دی لاگت 8 ارب 83 کروڑ روپے ہئی اتے ایں کوں وی چینی فرم پورا کیتے ۔
