چین تحریک انصاف دی قیادت اچ پاکستان دی آندے حکومت نال کم کرنڑ دی خواہش اے،عمران خان نال ملاقات تعمیری رہی،چینی سفیر یاﺅ جنگ دی صحافیاں نال گالھ مہاڑ

اسلام آباد ۔ 16 اگست (اے پی پی) پاکستان اچ تعینات چین دے سفیر یاﺅ جنگ آکھیا جو چین تحریک انصاف دی قیادت اچ پاکستان دی آندے حکومت نال کم کرنڑ دی خواہش اے۔خمیس کوں اتھاں اخبار نویساں نال گالھ مہاڑ کریندیں ہوئیں چینی سفیر آکھیا جو چین اتے پاکستانی حقیقی دوست ہن جڈانجو چین پاکستان دی آندی حکومت اتے پارلیمنٹ نال رل تے کم کرنڑ دی خواہش رکھیندے۔انہاں آکھیا جو پاکستانی عوام عمران خان تے اعتماد کیتے اتے چین نویں حکومت نال سارے شعبیاں اچ پورا تعاون کریسی۔انہاں آکھیا جو پاکستان اتے چین اچ ڈو پاسہ تعلقات دی جڑاں بہوں گھاٹی اتے ہر ازمائش تے پورا لہسن۔عمران خان نال ملاقات بارے ہک سوال دے جواب اچ انہاں آکھیا جوعمران خان نال ملاقات تعمیری رہی۔