ڈاکٹر عافیہ قوم دی دھی ہے تے حکومت انہاں دی رہائی سانگے ممکن اقدامات کریسی ،وزیرخارجہ شاہ محمود قریشی دی نمازعید دے بعد میڈیا نال گال مہاڑ

ملتان۔22 اگست(اے پی پی )وزیرخارجہ مخدوم شاہ محمودقریشی آکھیے جو ڈاکٹرعافیہ صدیقی قوم دی دھی ہے تے حکومت انہاں دی رہائی سانگے سانگے ممکن اقدامات کریسی ۔انہاں آکھیا جو پیپلزپارٹی دے دورحکومت اچ وی وزیرخارجہ دی حیثیت نال میں انہاں دی رہائی سانگے ہر فورم تے آواز چاتی ۔ایں مسلے دے حل اچ کجھ قانونی موشگافیاں ہن ،تاں جو امید ہے جو او با عزت طریقے نال رہا تھی تے وطن واپس آویسن ۔اے گال انہاں بدھ کوںحضرت بہاوالدین زکریادے مزار تے نمازعید دی ادائیگی دے بعد میڈیا نال گال مہاڑ کریندے ہوئیں آکھی ۔مخدوم شاہ محمودقریشی آکھیا جومسلم لیگ( نواز)پیپلزپارٹی تے ایندے صدارتی امیدوار اعتزازاحسن دی دستبرداری سانگے دباﺅ پیندی پئی اے جیرھا جو مناسب کائنی ۔انہاںآکھیا میکوں یقین ہے جو پاکستان پیپلزپارٹی سوچ سمجھ تے مشاورت دے بعدہی اعترازاحسن کو ںصدارتی امیدوار نامزدکیتا ہوسی ۔